Ерөнхий боловсролын сургуулийн хичээл танхимын болон танхимын бус хэлбэрээр орохоор боллоо. Сүхбаатар аймгийн хэмжээнд өвөлжилт хүндэрч, хэд хэдэн сумд мөсөн зудын хэмжээнд хүрсэн. Ерөнхий боловсролын сургуулийн сурагчдын 70 хувь нь хичээлд танхимаар хамрагдах боломжтой байгаа бол 30 хувь буюу 4000 гаруй хүүхэд танхимын сургалтад ирэх боломжгүй байгаа ажээ. Иймд алсагдсан бүс нутагт байгаа сурагчдыг танхимын бус буюу цахимаар цаасан суурьтай хичээллүүлэхээр шийдвэрлэлээ.
