/2023.01.02/
Аймгийн Эрүүл мэндийн газраас коронавируст халдвар болон томуу томуу төст өвчний дэгдэлтийн талаар мэдээлэл хийлээ. Өнгөрөгч долоо хоногийн хувьд коронавируст халдварын тохиолдол бүртгэгдээгүй байна. Томуу, томуу төст өвчний хувьд хэвтэн эмчлүүлэгчийн хувьд 16 хувиар буурчээ. Аймгийн хэмжээнд нийт 156 хүн хэвтэн эмчлүүлж байгаагаас 44 хүн нь томуугийн шалтгаантай байна. Хүүхдийн тасагт 33 хүн хэвтэн эмчлүүлж байгаагаас 27 хүүхэд нь томуутай өнгөрсөн долоо хоногоос 16 орчим хувиар буурсан байна. Баяр амралтын өдрүүдэд эрүүл мэндийн тусламж үйлчилгээг эрчимжүүлэх, хариуцлага хяналтыг сайжруулах зорилготой эрүүл мэндийн сайдын тушаалаар эрүүл мэндийн байгууллагууд бэлэн байдалтай ажилласан байна. Аймгийн нэгдсэн эмнэлэгт 4 хүүхэд шинээр мэндэлжээ. Осол гэмтэл болон осголтын шалтгаант нас баралт нэг бүртгэгджээ. Яаралтай түргэн тусламжийн 157 дуудлага хүлээн авч эрүүл мэндийн тусламж үйлчилгээг үзүүлсэн байна. Сүхбаатар аймгийн 2022 оны жилийн эцсийн өрх, хүн ам, хөдөө аж ахуйн тооллогын урьдчилсан 65.8 мянган хүн амтай боллоо. Сүхбаатар аймаг 2022 оны эцэст урьдчилсан байдлаар 19,1 мянган өрх, 65,8 мянган хүн амтай болж урьд оноос өрх 0,3 мянга, хүн ам 0.5 мянгад өсчээ. Аймгийн хэмжээгээр 2022 оны эцэст мал тооллогын урьдчилсан дүнгээр 4,6 сая толгой мал тоологдлоо. Нийт малын тоо өмнөх оноос 437.9 мянгаар буюу 10.4 хувиар өссөн байна. Онцгой байдлын газраас баяр амралтын өдрүүдэд үзвэр үйлчилгээ, соёл урлагийн 13 аж ахуй нэгжид хяналт шалгалтыг зохион байгуулж ажилласан байна. Шалгалтаар 78 зөрчлийг илрүүлж гал түймэртэй тэмцэх улсын хяналтын байцаагчийн заавар зөвлөгөө, албан мэдэгдлийг хүргүүлжээ. Баяр амралтын өдрүүдэд Эрдэнэцагаан суманд гал түймрийн дуудлага, Түмэнцогт суманд осол гэмтлийн дуудлага бүртгэгдсэн байна. ЦАГДААГИЙН ГАЗАР : Сүхбаатар аймгийн хэмжээнд 2022 онд гэмт хэрэг, зөрчлийн шинжтэй 2679 тооны гомдол, мэдээлэл хүлээн авсан нь өмнөх оны мөн үетэй харьцуулахад 385 гомдлоор буюу 12.5 хувиар буурсан үзүүлэлттэй байна. 2022 оны байдлаар 515 гэмт хэрэг бүртгэгдэж 515 хэрэгт 395 хүн холбогдон шалгагдаж, хэргийн илрүүлэлт 55.3 хувьтай байна. Өмнөх оноос бүртгэгдсэн хэрэг 171 нэгжээр буюу 34 хувиар, хэргийн илрүүлэлт 0.7 хувиар өссөн байна.
