Одоогийн байдлаар Сүхбаатар аймаг 48 идэвхтэй үйл ажиллагаа явуулж буй үйлдвэр, цех, 200 гаруй иргэн хувиараа хүнс үйлдвэрлэж байгаа ба аймгийн хэмжээнд мах 100%, сүүний 30%, гурилан бүтээгдэхүүн 18%, төмс 34,6%, хүнсний ногоо 8,6%, өндөг 19,8 %, цэвэр ус 5,0 хувиар тус тус дотоодын үйлдвэрлэлээр хангаж байгаа нь жил бүр тодорхой хувиар өсөн нэмэгдэж байгааг онцлов. Төрөөс хүнсний аюулгүй байдлын чиглэлээр баримталж буй бодлого чиглэлийг танилцуулж, орон нутагтаа хэрэгжүүлэхээр хүнс үйлдвэрлэгч иргэн ,аж ахуйн нэгж, төрийн болон төрийн бус байгууллагууд хамтран ажиллаж байгааг тодотгосон юм.
Хүнсний үйлдвэрийн салбарт хөдөлмөр зүтгэлээ зориулсан ахмадууд болон бусад хүмүүсийг төр засгийн болон аймаг орон нутгийн шагналаар шагнаж урамшууллаа.
