Сар шинийн баяр, амралтын өдрүүдэд аймгийн Онцгой байдлын газрын алба хаагчид 35 автомашин, 126 том хүн, 42 хүүхэд нийт 168 иргэний амь нас,эд хөрөнгийг авран хамгаалжээ.
Тодруулбал дээрх өдрүүдэд ОБГ-т 21 удаагийн дуудлага мэдээлэл бүртгэгдсэн байна. Цасанд суусан, бензингүй болсон, төөрсөн гэх дуудлага зонхилж байсан бөгөөд ихэвчлэн сар шинийн золголт хийхээр явж байсан орон нутгийн хүмүүс байжээ.
