Монгол Улсын Ерөнхийлөгчийн зарлигаар XVII Жарны “Элдэв эрдэнэт” хэмээх модон могой жилийн босгон дээр Төрийн захиргаа, боловсрол, эрүүл мэн, хууль эрх зүй, хөдөө аж ахуй, төрийн болон төрийн бус байгууллагад олон жил үр бүтээлтэй ажиллаж өндөр амжилт гаргасан хүмүүсийг Монгол Улсын одон медалиар шагналаа.
Шагнал гардуулах арга хэмжээнд МУЗГ-ын гишүүн, Хот байгуулалт, барилга, орон сууцжуулалтын сайд Ж.Батсуурь, Аймгийн Иргэдийн Төлөөлөгчдийн хурлын дарга Д.Хосбаяр, аймгийн Засаг дарга М.Идэрбат, Баруун-Урт сумын Засаг дарга Ж.Жавхаатөгс нар оролцлоо.
