Энэ оны нэг сараас эхлэн айл өрх, албан байгууллагууд ус дулааны төлбөрөө өөрсдөө хариуцан төлнө. Айл өрхийн дулааны үнийн тарифт өөрчлөлт орж нэмэгдсэн байна. Өнгөрсөн нэг жилийн хугацаанд айл өрх, аж ахуй нэгжийн ус дулааны төлбөрийг төрөөс хариуцан төлж байсан. Энэ ажил 2022 оны 1-р сарын 1-нээр дуусгавар болж байна. Айл өрх, аж ахуй нэгжүүд энэ сараас эхлэн ус дулааны төлбөрөө хариуцан төлнө. Өнгөрсөн оны 10 сард эрчим хүчний зохицуулах хорооноос айл өрхийн дулааны үнийн тарифт өөрчлөлт орж нэмэгдсэн талаар Дөрвөлж ОНӨҮГ-ын дарга ярьж байлаа.
