Улаанбаатар хот дахь Баруун-Урт сумын нутгийн зөвлөлөөс санаачлан малчдад туслах “ХАХИР ӨВЛИЙГ ХАМТЫН ХҮЧЭЭР” аяныг зохион байгуулж 100 тн хивэг худалдан авч, 60 тн хивгийг аймгийн Онцгой комисст, 40 тн-ыг нь Баруун-Урт суманд хүлээлгэж өгөв.
Тус аянд нутаг орноо гэсэн сайхан сэтгэлтэй төгсөгчид анги хамт олноороо идэвхтэй оролцож хандивт нэгдэж, эхний ээлжийн 100 тн Баруун-Урт суманд ирж, нутгийн зөвлөлийн дарга Б.Цогтсэргэлэн аймаг, Баруун-Урт сумын Онцгой комисст хүлээлгэж өглөө. Баруун-Урт , Эрдэнэцагаан суманд тус хивгийг хүргэх юм байна. Дараагийн ээлжийн цуваа удахгүй ирэх аж.
