УДИРДАХ АЖИЛТНЫ ШУУРХАЙ ХУРАЛ

Аймгийн Удирдах ажилтны шуурхай хурлыг зохион байгуулав. Уг хуралдаанаар цаг үеийн шинжтэй мэдээллийг ОБГ, УЦУОШТ, Цагдаагийн газар, Хөдөлмөр халамж үйлчилгээний газар, Статистикийн хэлтэс, Баруун-Урт сумын ЗДТГ, Эрүүл мэндийн газар, Улсын бүртгэлийн хэлтэс, БТСГ зэрэг байгууллагууд мэдээлэл хийв.

. Өнгөрөгч долоо хоногт аймгийн Онцгой байдлын газарт хээрийн түймрийн дуудлага 6, обьектын гал түймрийн дуудлага 3 ирж онцгой байдлын газрын албан хаагчид шуурхай арга хэмжээг авч ажилласан байна. Хаврын их цэвэрлэгээ хийгдэж байгаатай холбогдуулан шар өвс шатаах, ил задгай гал түлэхгүй байхыг мэргэжлийн байгууллагаас анхааруулав.

. Статистикийн хэлтсээс Төрийн албан хаагчдын монгол бичгийн мэдлэг тодорхойлох судалгааны дүнг танилцуулав. 79.71 хувийн гүйцэтгэлтэй явагдаж байна. Төрийн үйлчилгээний албан хаагчдын тус судалгаанд идэвхтэй хамрагдахыг уриалж байв.

. Баруун-Урт сумын 3-р сургуулийн баруун тал, Ахмадын ордоны зүүн талын замын хөдөлгөөнийг цэгцлэх чиглэлийг АЗДТГ-ын дарга П.Мөнхжаргал аймгийн Цагдаагийн газарт чиглэл өгсөн. Үүний дагуу ажиллаж байгаа талаар УАШХ дээр Цагдаагийн газраас мэдээлэл хийв. Баруун-Урт сумын ЗДТГ-аас 10.0 сая төгрөг шийдвэрлэж авто машины зогсоолын асуудлыг шийдвэрлэхээр болжээ.

Баруун-Урт сумын ЗДТГ-аас зохион байгуулдаг “Жаахан шаргын нутаг”-2024 монгол бичгийн уралдаан бүсийн хэмжээнд явагдаж байна. Сүхбаатар, Хэнтий, Дорнод аймгийн ЕБС-ийн сурагчид, мэргэжлийн болон мэргэжлийн бус багш, судлаач, төрийн албан хаагчид, иргэд оролцоно. Уралдааны төрөл : Үзгийн хичээнгүй бичиг, Уран бичлэг, Мэргэжлийн багш, Шилдэг судлагдахуун зэрэг төрлүүдээр явагдана.

Бүтээлийг 2024.04.28 хүртэл хүлээн авах юм байна.

. УДИРДЛАГААС ӨГСӨН ҮҮРЭГ ЧИГЛЭЛ : Аймгийн Засаг даргын орлогч Г.Мөнхзаяа Боомтын сэргэлтийн үндэсний чуулган болон БНСУ-ын ГВАНЖУ хотод хамтын ажиллагааны талаар уулзалтад оролцсон талаар мэдээлэл хийв. Сүхбаатар аймаг гадаад харилцааг өргөжүүлэх ажлын хүрээнд БНСУ-ын тус хоттой хамтын ажиллагааг эхлүүлж хэлэлцээр амжилттай болсон байна. БНСУ ын Бие даах чадварын төв дээр ажилласан талаар мэдээлэл хийв. Тус төв нь бага орлоготой ажлын байр байхгүй иргэдийг сургаж бойжуулж ажын байранд зуучлах, ажлын байртай болгож гаргадаг хүрээлэн аж. Энэхүү төвийг орон нутагт байгуулах боломжийн талаар хэлэлцсэн байна.

. Сүхбаатар аймгийн хэмжээнд сэг зэмийн устгалын ажил хийгдэж байна. Энэ талаарх нэгдсэн мэдээллийг мал эмнэлгийн газраас бэлтгэж иргэдэд мэдээлэл хүргэхийг чиглэл болгов.