Улсын онцгой комиссын даргын тушаалаар томилогдсон мал амьтны сэг зэм устгах арга хэмжээг зохион байгуулахад орон нутгийн Онцгой комисст дэмжлэг үзүүлж ажиллаж байна. Сэг зэм устгалын ажлын явц, зохион байгуулалттай холбоотой асуудлаар аймгийн Онцгой комисс хуралдлаа.
. Аймгийн хэмжээнд 1,6 сая толгой мал хорогдож, 440 цэгт сэг зэмийг булж устгана. Өнөөдрийн байдлаар уг ажил 51 хувьтай үргэлжилж байна.. Шуурхай бүлэг Түвшинширээ, Онгон, Дарьганга, Баяндэлгэр, Асгат, Баруун-Урт зэрэг сумдад ажиллаж, мэргэжил арга зүйн зөвлөгөө өгч, зохион байгуулалтаа сайжруулж, мэргэжлийн анги бүлгийг дайчлах шаардлагатай талаар зөвлөмж өгч ажилласан тухай Шуурхай бүлгийн гишүүн, ОБЕГ-ын Ажиллагааны удирдлагын газрын Тасгийн дарга, хурандаа Ж.Дамдинсүрэн мэдээллээ. Мэргэжлийн ангийн албан хаагчдыг энэ ажилд оролцуулах, малчдад соён гэгээрүүлэх ажлыг зохион байгуулж ажиллахыг шуурхай бүлгийн ажлын хэсгээс чиглэл өгөв. 
